Forvaltingsreforma og fylkesvegansvaret: Maktfordeling, styringsdialog og samhandling

Abstract

IRIS har på oppdrag frå KS undersøkt tre problemstillingar;

Har makt og myndigheit på samferdslefeltet reelt sett blitt overført til fylkeskommunane? Ja, dette vil vi svare bekreftande på. Det er ei produktiv maktfordeling der fylkeskommunen har makt gjennom økonomiske ressursar, formell myndigheit og tilgang til administrative ressursar og fylkesvegkontora oppnår makt gjennom fagleg kompetanse og sektoransvar.

Korleis har den administrative samhandlinga mellom fylkesvegkontora og fylkeskommunen utvikla seg? Samhandlinga har utvikla seg både mot hierarki og likeverd .Dei regulære møta er prega av hierarki med rapportering og kontroll, medan samhandlinga om planar, prosjekt og enkeltsaker er dialog- og løysingsorienterte og prega av likeverd.

Har auka samhandling mellom regionvegkontora og fylkeskommunen ført til betre kontraktstrategi og lågare samla kostnadar? Det er førebels lite samhandling i fylka om kontraktstrategi.