Historie i randsona

Abstract

Opprettinga av Rokkansenteret i 2002 førte saman to forskingsenter som hadde blitt til midt i 1980-åra. Både Norsk senter for forskning i ledelse, organisasjon og styring (LOS) og Senter for samfunnsforsking (SEFOS) hadde hatt livskraftige historikarmiljø som vart med inn i Rokkansenteret. Ved LOS hadde forvaltingshistorie vore det dominerande historiske fagfeltet, medan arbeidslivshistorie var mest framtredande ved SEFOS. I rapporten vert utviklinga innan desse to felta sterkast vektlagt. Samtidig har målet vore å få fram heilskapen i historieforskinga ved sentera, og fanga opp endringar og forskyvingar i tema og innretting. Ved Rokkansenteret utvikla det seg nye tyngdepunkt med Lokal- og regionalhistorie og Helse- og medisinhistorie som tema.