Organisering av PP-tenesta i det kommunale oppvekstarbeidet

Abstract

Kyrkje-, utdannings- og forskingsdepartementet og Kommunenes Sentralforbund sette våren 1995 i gang eit forprosjekt for eit utviklingsprosjekt om "Organisering av PP-tenesta i det kommunale oppvekstarbeidet".

Som ein del av forprosjektarbeidet fekk RF-Rogalandsforskning i oppdrag å utarbeida ein rapport som skulle gi oversikt over utfordringar og problemområde for den pedagogisk­psykologiske tenesta på den eine sida og den kommunale oppvekstpolitikken i vidare tyding på den andre.

I føreliggande rapport blir det tatt utgangspunkt i at utviklingsprosjektet siktar mot å betra kvaliteten på tenesta og det samla kommunale oppvekstarbeidet gjennom utvikling av organiseringa av PP-tenesta. To kvalitetsdimensjonar dannar utgangspunkt for organisasjonsutviklinga: å letta tilgjenget til tenesta for brukarar, samt å betra koordineringa av fagressursar innanfor det kommunale oppvekstområdet.