| dc.description.abstract | Koronapandemien har i to år prega vakttårna, men i ulik grad. Kontaktraten steig igjen kraftig, til 426,6 pr. tusen innbyggjarar (397 pr. tusen i 2020). Variasjonen mellom vakttårna er stor sidan pandemien har blitt handtert ulikt i kommunane som vakttårna utøver tenester for.
Legevaktene i Kvam og Nes drog kontaktraten opp. Mistanke om covid-19 gjaldt 25,5 prosent av kontaktane i 2021; prøvetaking av korona utgjorde 23,1 prosent av tiltaka. I tillegg til legevaktene i Kvam og Nes hadde Legevakten i Arendal også ein klart høgare del prøvetaking av korona enn dei fire andre vakttårna.
Pandemien gav endringar i responsratane og fordelingane i 2020 samanlikna med året 2019, men 2021 gav ingen nye endringar. Grøn respons utgjorde igjen omtrent to av tre, gul respons gjaldt kvar fjerde kontakt.
Kjønnsfordelinga er stabil, men pandemien endra i 2020 både aldersfordelinga og aldersgjennomsnittet til legevaktkontaktane, og nye endringar fann stad i 2021.
Gjennomsnittsalderen til kontaktane gjekk frå 38,4 år 2020 til 37,1 år i 2021, med variasjonar mellom vakttårna. Kvam legevakt hadde nemleg ein kraftig reduksjon i aldersgjennomsnittet i 2020 (då gjennomsnittet til vakttårna samla sett auka) og legevakta hadde ein ny reduksjon i 2021 (heile 8,4 år reduksjon i aldersgjennomsnittet sidan 2019). Vi konstaterer at vakttårna i 2021 hadde ein større del kontakt frå alderssjiktet seks til sytten år enn i både 2019 og 2020.
Prosentdelen som kjem til vakttårna i helga (laurdagar og sundagar) er synkande, og dette heldt fram i 2021. Berre 28,8 prosent av kontaktane i 2021 kom i helga. Ein del av forklaringa dei to siste åra er opningstider hos legevaktene i Kvam og Nes (gjaldt teststasjonane), men tendensen var der før pandemien slo til.
Strenge koronatiltak førte til at direkte oppmøte ved legevaktene gjekk kraftig ned, berre 2,8 prosent frå og med mars og ut året i 2020 møtte direkte opp; 2,2 prosent var direkte oppmøte i 2021 (13,2 prosent i 2019). Raten telefonkontakt frå pasient, pårørande eller omsorgsperson var 345,7 pr. tusen innbyggjarar, og utgjorde 81,4 prosent av måtane som det vart tatt kontakt på. | en_US |
