Konsekvensar av EØS-/EU-medlemskap for landbruk og landbruksbasert foredling i Rogaland

Abstract

Rapporten handlar om kva konsekvensar eit EU-medlemsskap kan få for landbruk og landbruksbasert foredling i Rogaland sett i forhold til utviklinga om Norge ikkje skulle verte medlem. Ein hovedkonklusjon er at sjølv om det vil komme strukturendringar innanfor dette næringsområdet uavhengig av tilknytningsform til EU, så vil eit EU-medlemsskap føre med seg mykje sterkare omstillingar og sysselsettingsreduksjonar. Avgangen i talet på bruk vil auke. Kraftforbaserte produksjonar og veksthusprodukt kan i stor grad falle vekk. Rogalandslandbruket må i hovedsak basere seg på grovforbaserte produksjonar -melkeproduksjon og produksjon av storfe- og sauekjøt. På desse områda vil Rogaland og i framtida ha ein sentral posisjon i nasjonal samanhang. I landbruksrelaterte foredlingsbransjar som baserer seg på lokal råvaretilgang, kan det og verte omfattande endringar med redusert aktivitetsnivå og sysselsetting. Årsaker til det vil vere redusert råvaretilgang frå primærlandbruket og press frå markanden om sterk effektivisering. Landbruket i Rogaland vil verte todelt ved eit markert skilje mellom eit storskala og heiltids landbruk i dei sentrale delar av fylket - kommunane på Jæren og Bjerkreim, og eit ekstensivt og deltidslandbruk i resten av fylket.